Algengar spurningar

Hér svörum við því sem viðskiptavinir spyrja okkur mest um: Loop eyrnatappa, sundvörur, hjálpartækjaleigu, sendingar og skil. Finnirðu ekki svarið máttu hringja í 518 6000 eða senda póst á info@htl.is.

Loop eyrnatappar

Hvaða Loop eyrnatappar henta mér?

Það fer eftir því hvað þú vilt dempa. Loop Dream er fyrir svefn, Quiet 2 fyrir einbeitingu og ró, Engage 2 fyrir samtöl í hávaða og Experience fyrir tónleika. Switch 2 sameinar þrjár stillingar í einum tappa.

Hversu mikið dempa Loop eyrnatappar hávaða?

Dempunin er mismunandi eftir gerð. Loop Dream dempar 27 dB (SNR), Quiet 2 dempar 24 dB, Experience 17 dB og Engage 2 16 dB. Loop Switch 2 býður þrjár stillingar: 20 dB, 23 dB og 26 dB. Allar gerðir eru með vottaða heyrnarvörn.

Hver er munurinn á Loop Quiet, Engage og Experience?

Quiet dempar mest og er hugsað fyrir svefn, lestur og einbeitingu. Engage dempar minnst og heldur röddum skýrum, sem hentar samtölum, fjölskyldulífi og opnum vinnurýmum. Experience liggur þar á milli og heldur tónlist skýrri á tónleikum og viðburðum.

Hvað er Loop Switch 2?

Loop Switch 2 er einn eyrnatappi með þremur stillingum: Engage, Experience og Quiet. Þú snýrð hringnum til að skipta um dempun eftir aðstæðum, úr 20 dB upp í 26 dB. Hann hentar þeim sem vilja eina lausn fyrir vinnu, tónleika og svefn.

Eru til Loop eyrnatappar fyrir börn?

Já. Loop fyrir börn (Engage Kids) er fyrir börn frá 6 ára til um 12 ára og dempar allt að 16 dB. Fyrir yngri börn eigum við Loop Cocoon heyrnarhlífar fyrir 1–4 ára með allt að 25 dB dempun.

Passa Loop eyrnatappar í öll eyru?

Með flestum gerðum fylgja fjórar stærðir af eyrnatöppum, XS, S, M og L, svo þú finnir stærðina sem passar þér. Loop fyrir börn kemur með stærðum XS til M. Með Loop Dream fylgja einnig tvöfaldir tappar í öllum fjórum stærðunum.

Virka Loop eyrnatappar fyrir svefn?

Loop Dream er sú gerð sem er hönnuð fyrir svefn. Tapparnir eru úr mjúku memory foam, sitja flatir í eyranu og henta þeim sem sofa á hliðinni. Quiet 2 er líka mikið notað fyrir svefn og dempar 24 dB.

Henta Loop eyrnatappar fólki sem er hljóðnæmt?

Margir viðskiptavinir okkar nota Loop vegna hljóðnæmni, í fjölmenni eða hávaðasömu umhverfi. Loop eru heyrnarhlífar en ekki lækningatæki og koma ekki í stað ráðgjafar fagfólks. Ef þú ert í vafa um hvaða gerð hentar máttu hringja í 518 6000.

Hvernig þríf ég Loop eyrnatappana?

Þríffðu sílikontappana með mildri sápu og vatni og láttu þá þorna alveg. Ekki bleyta hringinn sjálfan. Loop mælir með að skipta um fremstu tappana reglulega; fyrir Loop Dream er miðað við um 100 nætur. Auka tappar fást hjá okkur.

Hvar fæ ég Loop eyrnatappa á Íslandi?

Þú færð Loop hjá HTL, bæði á htl.is og í versluninni okkar í Hátúni 12, 105 Reykjavík. Við eigum allar helstu gerðir á lager og sendum um allt land. Skoðaðu allar Loop vörur.

Eru Loop eyrnatapparnir ykkar ekta?

Já. Allar Loop vörur hjá HTL eru keyptar beint frá framleiðandanum í gegnum B2B-verslun Loop. Við seljum eingöngu upprunalega vöru með vottaðri heyrnarvörn, í upprunalegum pakkningum og með þeim töppum og hulstri sem eiga að fylgja. Þú fært sömu vöru og þú myndir kaupa hjá Loop sjálfum, með þjónustu á Íslandi.

Sundvörur

Hvaða sundvörur eigið þið?

Við eigum sundföt, sundgleraugu, sundhúfur, kúta og sundvesti, margnota sundbleyjur, sundleikföng, eyrnabönd, köfunarbúnað, sundsokka og handklæði. Úrvalið er bæði fyrir börn og fullorðna, allt frá fyrstu sundferð ungbarns upp í æfingabúnað. Skoðaðu allar sundvörur eða komdu við í Hátúni 12.

Eru til sundbleyjur fyrir ungbörn?

Já, við eigum margnota sundbleyjur í mörgum stærðum, meðal annars Happy Nappy frá Splash About. Þær eru til frá minnstu stærðum fyrir ungbörn og upp úr, og fást í ýmsum munstrum.

Hvað er til fyrir börn sem eru að læra að synda?

Við eigum kúta og sundvesti, meðal annars KraulQuappen armkúta sem fást eftir aldri og þyngd, auk sundvesta í mörgum litum. Einnig eru til sundeyrnabönd fyrir börn sem þurfa að verja eyrun.

Hjálpartæki og leiga

Hvernig fer leigan fram?

Þú velur tækið á htl.is, hringir í 518 6000 eða sendir póst á info@htl.is. Tækið er sótt í Hátún 12, 105 Reykjavík, eða sent heim til þín. Leigutími miðast við dag, viku eða mánuð. Sjá hjálpartæki og leigu.

Hvað kostar að fá hjálpartæki sent heim?

Sending á höfuðborgarsvæðinu kostar 6.000 kr á virkum dögum og sama gjald þegar tækið er sótt aftur. Um helgar og frídaga er gjaldið 8.500 kr. Við sendum einnig út á land og þá greiðir leigutaki flutningskostnaðinn.

Eru tækin hrein og sótthreinsuð?

Já. Öll tæki eru vandlega þrifin og sótthreinsuð á milli viðskiptavina áður en þau fara í næstu leigu. Við skoðum líka ástand og virkni búnaðarins um leið, svo þú fáir tæki sem er bæði hreint og í lagi. Ef eitthvað er athugavert við tækið sem þú fékkst skaltu hringja strax í 518 6000.

Get ég framlengt leiguna?

Já. Hringdu í 518 6000 eða sendu póst á info@htl.is áður en leigutímanum lýkur og við framlengjum. Umframdagar eru gjaldfærðir samkvæmt verðskrá hvers tækis. Það er betra að hafa samband tímanlega því tækið gæti verið bókað hjá öðrum, og þá finnum við aðra lausn fyrir þig.

Hvað gerist ef ég skila of seint?

Hafðu samband við okkur sem fyrst. Við erum sveigjanleg og finnum lausn með þér. Samkvæmt leiguskilmálum ber leigutaki ábyrgð á að skila búnaðinum á réttum tíma eða semja um framlengingu.

Má taka leigðan hjólastól með í flug?

Já. Láttu flugfélagið vita af stærð stólsins. Samanbrotinn er hann 93 × 26 × 103 cm og 17 kg. Athugaðu að rafskutlur má ekki flytja með flugi þar sem flugfélög leyfa ekki flutning rafhlaðanna.

Greiða Sjúkratryggingar Íslands leiguna?

Það fer eftir aðstæðum. Sjúkratryggingar Íslands niðurgreiða hjálpartæki í vissum tilvikum þegar þörfin er langvarandi. Við bendum á sjukra.is fyrir gildandi reglur og aðstoðum þig við að meta hvað hentar.

Get ég keypt hjálpartæki í stað þess að leigja?

Já. Við seljum einnig hjálpartæki, til dæmis sjúkrarúm og rafskutlur, auk gripsokka og fleiri vara til daglegs lífs. Ef þörfin er langvarandi borgar sig oft að kaupa og við ráðleggjum þér við valið.

Ber ég ábyrgð á tækinu á meðan ég leigi það?

Já. Samkvæmt leiguskilmálum ber leigutaki fulla ábyrgð á skemmdum á búnaðinum, skal tilkynna galla strax, nota búnaðinn rétt og skila honum hreinum í sama ástandi. Ekki má lána eða leigja búnaðinn áfram til þriðja aðila.

Pöntun, sending og skil

Hvað kostar sending á vörum sem ég kaupi?

Við sendum vörur um allt land með Dropp. Sendingarkostnaður reiknast í greiðsluferlinu eftir staðsetningu og stærð pöntunar. Þú getur líka valið að sækja pöntunina í versluninni okkar í Hátúni 12, 105 Reykjavík.

Get ég sótt pöntunina í verslun?

Já. Veldu afhendingu í verslun í greiðsluferlinu og sæktu pöntunina í Hátún 12, 105 Reykjavík. Við látum þig vita þegar hún er tilbúin til afhendingar. Þá sparar þú sendingarkostnaðinn og getur um leið fengið ráðgjöf um hvaða Loop gerð eða stærð hentar þér best.

Hver er skilafresturinn?

Hjá HTL er alltaf 14 daga skilafrestur og þá er líka hægt að fá endurgreitt. Vöru þarf að skila í upprunalegu ástandi, ónotaðri og í upprunalegum pakkningum. Hafðu samband við okkur fyrst og við sendum þér leiðbeiningar. Sjá nánari skilyrði í skilareglum okkar.

Hvernig skila ég vöru?

Hafðu samband við okkur sem fyrst á info@htl.is eða í gegnum Facebook og við sendum þér allar upplýsingar. Ef þú býrð úti á landi sendir þú vöruna til okkar á eigin kostnað og við sendum nýja vöru á okkar kostnað.

Hvenær fæ ég endurgreitt?

Endurgreiðsla fer fram þegar skilavaran hefur borist okkur og er greidd með sama hætti og upphaflega var greitt. Endurgreiðslur á greiðslukort eru framkvæmdar næsta virka dag. Athugaðu að sendingarkostnaður er ekki endurgreiddur.

Hvað geri ég ef varan er gölluð?

Hafðu samband við okkur sem fyrst á info@htl.is eða í síma 518 6000. Við útvegum nýja vöru eins fljótt og mögulegt er. Sendingarkostnaður vegna gallaðrar vöru er á okkar kostnað.

Gilda afsláttarkóðar með öðrum tilboðum?

Nei. Samkvæmt skilmálum okkar gilda afsláttarkóðar ekki með öðrum afsláttum eða tilboðum. Þú notar einn afslátt í einu og setur kóðann inn í greiðsluferlinu. Ef kóðinn virkar ekki er það oftast vegna þess að varan er þegar á tilboði, eða kóðinn er útrunninn.

Verslunin og þjónustan

Hvar er verslun HTL?

Verslunin okkar er í Hátúni 12, 105 Reykjavík. Þar getur þú skoðað vörurnar, sótt pantanir og fengið ráðgjöf um Loop eyrnatappa, sundvörur og hjálpartæki. Síminn er 518 6000 og netfangið info@htl.is.

Hvenær er opið hjá HTL?

Verslunin í Hátúni 12 er opin á virkum dögum. Opnunartími getur breyst eftir árstíðum, til dæmis yfir sumarið og í kringum hátíðir, svo við höldum honum uppfærðum á opnunartímasíðunni. Þar sérð þú alltaf núgildandi tíma. Þú getur líka hringt í 518 6000 og við svörum á opnunartíma.

Er þjónusta utan opnunartíma?

Já, neyðarþjónusta er í síma 664 2240 utan opnunartíma. Hún er fyrir þá sem eru með leigð hjálpartæki og þurfa aðstoð þegar verslunin er lokuð. Gjald fyrir útkall utan opnunartíma er samkvæmt gildandi verðskrá, sjá opnunartímasíðuna.

Hver rekur htl.is?

htl.is er rekið af HTL ehf, kt. 540923-0190, VSK-númer 150083, Hátúni 12, 105 Reykjavík. Við seljum Loop eyrnatappa, sundvörur, gripsokka og hjálpartæki, og leigjum út hjálpartæki. Hafðu samband á samskiptasíðunni.

Hvernig get ég haft samband?

Hringdu í 518 6000, sendu póst á info@htl.is eða komdu við í Hátúni 12, 105 Reykjavík. Þú getur líka sent okkur skilaboð á Facebook. Við svörum eins fljótt og við getum á virkum dögum.