Notkun
Loop fyrir svefn
Hvað virkar gegn hrotum og umferðarhávaða — og heyrist vekjaraklukkan?
Stysta svarið: Loop Dream er sú gerð sem er hönnuð fyrir svefn. Hún dempar 27 dB (SNR), mest af öllum Loop gerðum, og tapparnir eru úr memory foam sem situr flatur í eyranu svo koddinn þrýstir ekki á hann. Quiet 2 með 24 dB er næstbesti kosturinn og ódýrari.
Af hverju Loop frekar en venjulegir eyrnatappar?
Froðutappar dempa vel en endast örfá skipti, þenjast út og geta þrýst á eyrnagöngin eftir nokkra klukkutíma. Loop eru endurnýtanleg, með skiptanlegum töppum í fjórum stærðum, og hannaðir til að sitja alla nóttina. Þeir loka heldur ekki alveg á umhverfið — þú heyrir áfram vekjaraklukku og barn sem kallar, bara lægra.
Loop Dream — hvað gerir hana öðruvísi
Tapparnir eru úr memory foam sem mýkist við líkamshita og mótast að eyranu. Það gefur betri þéttingu en sílikon og þar með meiri dempun: 27 dB (SNR). Tappinn stendur ekki út úr eyranu heldur situr flatur, sem er ástæðan fyrir því að hann virkar á hliðinni.
Eitt þarf að muna: haltu tappanum inni í um fimm sekúndur meðan froðan þenst út. Sleppirðu of snemma nærðu ekki fullri dempun, og það er langalgengasta ástæðan fyrir því að fólk finnur lítinn mun fyrstu nóttina.
Get ég sofið á hliðinni?
Já. Loop Dream er beinlínis hönnuð fyrir það. Quiet 2 virkar líka vel á hliðinni því hann er allur úr mjúku sílikoni. Ef þú finnur fyrir þrýstingi gegn koddanum er stærðin yfirleitt of stór — prófaðu næstu stærð fyrir neðan áður en þú gefst upp.
Hvað með hrotur?
Loop lækka hrotuhljóð umtalsvert en útiloka þau ekki. Dream dempar 27 dB og Quiet 2 24 dB, sem munar miklu á lágtíðnihljóði eins og hrotum, en þú gætir enn heyrt þær daufar. Margir nota lágan hvítan hávaða með til að jafna út það sem eftir stendur. Loop gera ekkert fyrir þann sem hrýtur — þær gagnast þeim sem liggur við hliðina.
Heyri ég vekjaraklukkuna?
Já, í langflestum tilfellum, en lægra. Margir hækka í klukkunni fyrstu næturnar eða nota titring í síma eða úri til öryggis. Prófaðu fyrstu nóttina þegar ekkert liggur á næsta morgun frekar en nóttina fyrir flug.
Heyri ég í barninu?
Þú heyrir í barninu, en lægra. Ef þú ert ein eða einn með ungbarn og vilt vera viss er Engage 2 öruggara val en Dream — hún dempar aðeins 16 dB og hleypir röddum vel í gegn, sem dugar oft til að taka broddinn af umferðarhávaða án þess að þú missir af barninu.
Birtan skiptir líka máli
Á Íslandi er bjart langt fram á nótt stóran hluta ársins. Loop Eclipse svefngríman er úr mjúku foam-efni sem mótast að andlitinu og lokar á birtu. Margir nota hana með Loop Dream — grímuna fyrir birtuna, tappana fyrir hljóðið.
Umhirða
Memory foam tapparnir á Dream þola ekki bleyti. Taktu þá af og þurrkaðu varlega með rökum klút, ekki nota þvottaefni. Hringinn þurrkar þú líka með rökum klút. Láttu allt þorna alveg áður en þú setur saman. Loop mælir með að skipta um tappana á þriggja til sex mánaða fresti; auka tappar fyrir Dream fást hjá okkur.
Vörurnar sem þetta á við um
Algengar spurningar
Loop Dream. Hún dempar 27 dB (SNR), mest af þeim gerðum sem HTL selur, og er hönnuð fyrir svefn með memory foam töppum sem sitja flatir í eyranu. Quiet 2 með 24 dB er góður og ódýrari valkostur sem nýtist líka á daginn.
Já. Loop Dream stendur ekki út úr eyranu heldur situr flatur, svo koddinn þrýstir ekki á hann. Quiet 2 virkar líka vel því hann er allur úr mjúku sílikoni. Finnirðu fyrir þrýstingi er stærðin líklega of stór.
Þær lækka hrotuhljóð umtalsvert en útiloka þau ekki. Dream dempar 27 dB og Quiet 2 24 dB. Margir nota hvítan hávaða með. Loop meðhöndla ekki hrotur hjá þeim sem hrýtur — þær gagnast þeim sem liggur við hliðina.
Já, en lægra. Loop lækka hljóð í stað þess að loka á þau. Margir hækka í klukkunni fyrstu næturnar eða nota titring í síma eða úri til öryggis. Prófaðu heima áður en þú treystir á þær fyrir mikilvægan morgun.
Já, þau eru hönnuð fyrir samfellda notkun. Haltu töppunum hreinum og skiptu um þá á þriggja til sex mánaða fresti. Ef þú færð verk, bólgu eða útferð úr eyra skaltu hætta notkun og leita til læknis.
Nánast alltaf er það passformið. Ef tappinn þéttir ekki alveg sleppur hljóð fram hjá og dempunin hrynur. Prófaðu næstu stærð fyrir ofan, og með Loop Dream þarftu að halda tappanum inni í um fimm sekúndur meðan froðan þenst út.